ஆடாய் கனைக்கும் சிங்கம்

 பல் இல்லா கிழவன் கையில்

பல்ப மிட்டாய் கிடைத்து விட்டால்   

பல் முளைத்து விடுமாஇல்லை 

பல்ப மிட்டாய் கசந்திடுமா   

மாடு கட்டா ஏறு கொண்டு

மண்ணை உழுத மடயனுக்கு   

மண்ணும் மனம் கனிந்திடுமா

இல்லை மாடு ஓடி வந்திடுமா   

போகும் வழியில் சில நேரம்

பொறுமை நம்மை நீங்கிப் போகும்   

அந்த பொறுமை சற்று குறைந்து விடின்

நம் பெருமையது குறைந்திடுமா   

போகட்டும் விட்டு விடு

வெறும் புகழ் தேடும் கூட்டம் அது   

சிங்கமாய் தன்னை நினைத்து

சினம் காட்டும் ஆடாய் கனைத்து